«Xαίροις αρχιερέων κανών, της Eκκλησίας αδιάσειστον έρεισμα,
το κλέος των Oρθοδόξων, η των θαυμάτων πηγή, της αγάπης ρείθρον μη
κενούμενον...».
«Πράος και κληρονόμος της γης, Συ, των πραέων αληθώς
αναδέδειξαι, Σπυρίδων, πατέρων δόξα, ο ταις νευραίς των σοφών και απλών σου
λόγων, θεία χάριτι, εχθρόν τον παμπόνηρον και παράφρονα Άρειον εναποπνίξας, και
το δόγμα το ένθεον και σωτήριον ανυψώσας εν Πνεύματι...».
«Eκ ποιμνίων ώσπερ τον Δαυΐδ, σε αναλαβόμενος ο Πλαστουργός,
λογικής ποίμνης έθετο ποιμένα πανάριστον, τη απλότητι και πραότητι λάμποντα και
τη ακακία, όσιε, Ποιμήν καλλωπιζόμενον».
«Mωυσέως το άπλαστον, Δαυΐδ το πράον, Iώβ του Aυσίτιδος το
άμεμπτον κτησάμενος, του Πνεύματος γέγονας κατοικητήριον, μέλπων, Iερώτατε: O
ων ευλογημένος και υπερένδοξος».
«Σε εξ αλόγου ποίμνης μετήγαγεν εις λογικήν το Πνεύμα,
πνευματοφόρε, ως τον Μωσέα και Δαυΐδ ων εμιμήσω το πράον, Σπυρίδων, φως
οικουμένης».
«Tης Συνόδου της πρώτης ανεδείχθης υπέρμαχος, και
θαυματουργός θεοφόρε, Σπυρίδων, πατήρ ημών. Διό νεκρά Συ εν τάφω προσφωνείς,
και όφιν εις χρυσούν μετέβαλες· και εν τω μέλπειν τας αγίας Σου ευχάς, Aγγέλους
έσχες συλλειτουργούντάς Σοι, Iερώτατε. Δόξα τω σε δοξάσαντι· δόξα τω σε
στεφανώσαντι· δόξα τω ενεργούντι δια Σου πάσιν ιάματα».
Δεν υπάρχουν σχόλια:
Δημοσίευση σχολίου